Qırım hanları akimiyetiniñ timsali taraq tamğa edi. Haci Geray, Çingishannıñ soyundan kelgen birinci han, taraq tamğanı devlet tuğrası olaraq belgiledi. Şimdi onı Qırım hanlığınıñ çeşit para ve fahriy yarlıqlarında, hanlar rezidentsiyalarınıñ ögü ve portallarında, şeerlerniñ araba qapularında körmek mümkün. Bazı fikirlerge köre, taraq tamğa Geraylarğa Cüçiden, Çingishannıñ birinci oğludan keldi.
Qırım ve qırımtatarlarnıñ tarih saifeleri – Qırım.Aqiqatnıñ leyhasında, «Tuğra» videobloglarında.
Tuğra – hanlarnıñ müüri, qırımtatar devletçiliginiñ timsali, Qırımnıñ şimdiki vaziyetini añlamağa yardım etken bir anahtardır
Tuğra – hanlarnıñ müüri, qırımtatar devletçiliginiñ timsali, Qırımnıñ şimdiki vaziyetini añlamağa yardım etken bir anahtardır.
Metn müelifi ve alıp barıcı Gülnara Abdulla, rejissör Fatima Osmanova, operator ve montaj rejissörı Eldar Halilov, ğaye müellifi ve prodüsser Emine Ceppar.
Videoda M.Litfile.net saytınıñ resimleri, em de belli Qırım müellifleri ve icracıları Enver İzmaylov ve Afize Kasaranıñ muzıkası qullanıla.
Gülnara Abdulla, Qırım tarihçısı
«Bloglar» rubrikasında bildirilgen fikir-tüşünceler müelliflerniñ noqtaiy-nazarlarını aydınlatıp, muarririyetniñ baqışlarını aks ettirmey