Ukraina Yuqarı Radası Volodımır Groysman reberligi altında Ukraina ükümetiniñ yañı erkânına rey berdi. Buña 239 deputat qoltuttı.
Ükümet reisi Stepan Kubivni baş nazirniñ birinci muavini olaraq tayinlemege teklif etti. Baş nazir muavinleri Vladimir Kistion, İvanna Klimpuş-Tsintsadze (Avropa ve Avropaatlantik integratsiyasından mesülietli olacaq), Pavel Rozenko, Vâçeslav Kirilenko ve Gennadiy Zubko (regional inkişaf naziri olacaq) oldılar.
Groysman diger tekliflerni de aydınlattı.
Ükümet erkânına Sağlıq saqlav nazirliginden ğayrı, altı baş nazir muavini ve bütün nazirliklerniñ reberleri kirdi. Sağlıq saqlav naziri vazifesi şimdilik boş.
Aprel 14-te Yuqarı Rada Arseniy Yatsenükniñ istifa ricasını qabul etip, yañı baş nazir vazifesine Volodımır Groysmannı tayin etti.
