Qırımda Rusiye uquq qoruyıcıları uquqçılar Lilâ Gemeci ve Rustem Kâmilevni «mitingler qanunınıñ bozuluvı qabul etilmeycek» dep tenbiledi. Bu aqta «Qırım birdemligi» haber ete.
Oşağan tenbini cemaat imayecisi ve «Qırım birdemliginiñ» faali sudaqlı Seit-Osman Karaliyev aldı. Rusiye İç işler nazirligi bildirgenine köre, o, «kütleviy aktsiyanıñ teşkilâtçısı» ola ve ekstremist faaliyeti kösterilmesin ve cemaat nizamı bozulmasın dep «tedbir almalı». Cemaatçı memuriy ve cinaiy maddelernen qorquzuldı.
Belli olğanına köre, Aqmescit rayonında qırımtatar aq qorçalayıcısı ve uquqçı Nazim Şeyhmambetovğa «cinayet ve uquq bozuluvı içün şaraitler yaratqan areketler ve cemaatqa qarşı areketlerniñ devamı qabul etilmeycek» dep tenbi berildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
