Ukrayına Arbiy deñiz quvetleriniñ komandanı Oleksiy Neyejpapa qırımtatar halqınıñ lideri, halq deputatı Mustafa Cemilevnen körüşti.
Qayd etilgenine köre, admiral yardımcısı qırımtatarlarğa Ukrayına Arbiy deñiz quvetlerine, humusah Ukrayına flotuna yardım etkenleri içün minnetdarlığını bildirdi.
«Admiral yardımcısı Oleksiy Neyejpapa bütün qırımtatar halqına Ukrayına imayesine qoşqan isseleri ve Ukrayına Silâlı Quvetlerine, hususan milliy flotqa yardım etkenleri içün teşekkürler bildirdi, şu cümleden – bugün Ukrayına Mudafaa quvetlerinde hızmet etken oğlan ve qızları ve Rusiye zaptçılarınen küreşip, canını feda etkenler içün», – dep aytıla Ukrayına Silâlı quvetleri Arbiy deñiz quvetleriniñ matbuat hızmeti haberinde.
Bundan ğayrı, 1944 senesi qırımtatar sürgünligini bugün Qırımda qırımtatarlarğa yapılğan basqınen qıyaslandı. Neyejpapa ve Cemilev yaqın vaqıtta ve yarımada işğalden azat etilgen soñ olacaq işbirliginen bağlı fikirlerini paylaştı.
Cemilev Qırımğa köçken Rusiye vatandaşlarını Keriç köprü turğanda yarımadanı terk etmege çağırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
