Kiyevde qırımtatar qorantasınıñ taqdiri aqqında installâtsiya taqdim etilecek (video)

Qırımlı fotoressam-vesiqacı Emine Ziyatdinova Kiyevde qırımtatar qorantası aqqında «Ev» adlı installâtsiyanı taqdim etecek. Emineniñ aytqanına köre, leyha ğayesi – sovetler zamanında sürgün etilgen qorantanıñ taqdirini köstermeknen beraber, ortaq ve şahıs afızalarınıñ bir-birinden farq etkenini talil etmektir. İnstallâtsiya video ve fotoresimlerden ibaret, ve qırımtatar qorantasınıñ üç nesilini köstere: sürgünlikten evel, sovetler zamanı ve leyha müellifiniñ gençlik çağı.